زهقانه ... اه زهقانه
ايه اللى فى الدنيا اللى احنا فيها دى مش يزهق
كل حاجه حاجه تزهق
بدور على طريقى مش لاقيه اكيد انا مخلوقه لسبب
مش عارفه ايه هو
زهقت ومليت من انى ادور وافشل
ليه الفشل بيكون اول طريق للنجاح زى مابيقولوا
وليه كمان بيقولوا ان لو نجحت من غير صعوبات مش يكون اسمه نجاح
مش عارفه مع ان كل ده مجرد توفقيات من عند ربنا
نجحت او فشلت
مش بقيت عارفه هى دى اختيارات ولا ايه
هو انا اللى بختار النجاح ولا بختار الفشل
طرق الفشل كتير اوى وبتختلف عشان كده عمرك مابتعرف انك هتفشل بس اشمعنى طريق النجاح هو واحد
بس بردوا كتير بنفشل فيه
متهيألى ان النجاح والفشل مسائل نسبيه على اساس يعنى ان كل واحد ليه نجاحه وفشلوا
كل واحد ليه احلامه اللى عايز يحققها متهيألى ده السر ان فى طرق كتير مختلفه
